Aankhon Se Meri Is Liye Laali Nahi Jati

Aankhon Se Meri Is Liye Laali Nahi Jati,

Yaadon Se Koi Raat Jo Khaali Nahi Jati,

Ab Umer Na Mosam Na Wo Rishte K Wo Milte,

Is Dil Ki Magar Khaam Khayali Nahi Jati,

Aaye Koi Aa Kar Tere Dard Sambhaley,

Hum Se To Ye Jageer Sambhali Nahi Jati,

Humrah Tere Phool Khilati Thi Jo Dil Main,

Ab Shaam Wohi Dard Se Khali Nahi Jati,

Hum Jaan Se Jaen Gay Tab Hi Baat Baney Gi,

Tum Se To Koi Rah Nikali Nahi Jati.